Ahmedabadમાં 28 ડિસેમ્બરે યોજાશે 'યુવા બિઝનેસ મહાસંમેલન', અમિત શાહ મુખ્ય મહેમાન તરીકે ઉપસ્થિત રહેશે

પાટીદાર સમાજની આર્થિક તાકાતનું વૈશ્વિક સ્તરે પ્રદર્શન કરવા માટે અમદાવાદમાં વિશ્વ ઉમિયાધામ ખાતે 28 ડિસેમ્બરના રોજ એક ભવ્ય યુવા બિઝનેસ મહાસંમેલન યોજાવા જઈ રહ્યું છે. આ સંમેલનમાં કેન્દ્રીય ગૃહમંત્રી અમિત શાહ મુખ્ય મહેમાન તરીકે ઉપસ્થિત રહેશે.

વિશ્વ ઉમિયાધામ ખાતે યુવા બિઝનેસ મહાસંમેલન 28 ડિસેમ્બરે બપોરે 3:00 વાગ્યે અમિત શાહની વિશેષ ઉપસ્થિતિમાં શરૂ થશે. આ કાર્યક્રમમાં 20 હજારથી વધુ યુવા બિઝનેસમેન ભાગ લે તેવી શક્યતા છે. ઉપરાંત અમેરિકા સહિત 7 દેશોમાંથી પાટીદાર યુવા બિઝનેસમેન આ સંમેલનમાં સામેલ થશે.કેન્દ્રીય ગૃહમંત્રી અમિત શાહની સાથે ગુજરાતના મુખ્યમંત્રી ભૂપેન્દ્ર પટેલ અને પાટીદાર સમાજના અન્ય મંત્રીઓ પણ આ કાર્યક્રમમાં ઉપસ્થિત રહેશે.