VIDEO: વાયથુર બ્રિજને વાહન વ્યવહાર માટે બંધ કરવામાં આવ્યો

કેરળના કન્નુર જિલ્લામાં ભારે વરસાદના કારણે વાયથુર બ્રિજને વાહન વ્યવહાર માટે બંધ કરવામાં આવ્યો છે. સતત વરસી રહેલા વરસાદથી નદીના પાણીના સ્તરમાં વધારો થતાં બ્રિજ પર અવરજવર જોખમી બની હતી. સુરક્ષાને ધ્યાનમાં રાખીને તંત્ર દ્વારા આ નિર્ણય લેવામાં આવ્યો છે. બ્રિજ બંધ થતાં સ્થાનિક લોકો અને વાહનચાલકોને વૈકલ્પિક માર્ગોનો ઉપયોગ કરવાની ફરજ પડી રહી છે. અધિકારીઓ દ્વારા પરિસ્થિતિ પર સતત નજર રાખવામાં આવી રહી છે અને પાણીનું સ્તર ઘટ્યા બાદ જ બ્રિજ ફરી શરૂ કરવામાં આવશે. ભારે વરસાદને કારણે કેરળના અનેક વિસ્તારોમાં જનજીવન પ્રભાવિત થયું છે.