VIDEO: Kerala / જંગલી હાથીએ શખ્સને કચડી નાખ્યો; ગ્રામજનોમાં વન વિભાગ સામે ભારે રોષ

કેરળના પાલક્કાડ જિલ્લાના મલમપુઝા વિસ્તારમાં એક હૃદયદ્રાવક ઘટના સામે આવી છે. અહીં એક જંગલી હાથીએ સ્થાનિક વ્યક્તિ પર જીવલેણ હુમલો કરતા તેનું ઘટનાસ્થળે જ કરુણ મોત નીપજ્યું છેમૃતક વ્યક્તિ પોતાના કામ માટે જઈ રહ્યો હતો ત્યારે અચાનક જંગલી હાથી સામે આવી ગયો હતો અને તેને કચડી નાખ્યો હતો. સ્થાનિક લોકોમાં વન વિભાગ પ્રત્યે ભારે રોષ જોવા મળી રહ્યો છે, કારણ કે આ વિસ્તારમાં જંગલી પ્રાણીઓના રહેણાંક વિસ્તારોમાં ઘૂસી આવવાની ઘટનાઓ સતત વધી રહી છે. ગ્રામજનોએ આક્ષેપ કર્યો છે કે વારંવારની રજૂઆતો છતાં તંત્ર દ્વારા સુરક્ષાના કોઈ નક્કર પગલાં લેવામાં આવતા નથી. હાલ વન વિભાગની ટીમ ઘટનાસ્થળે પહોંચી છે અને હાથીને જંગલ તરફ ખસેડવાની કામગીરી હાથ ધરી છે.