VIDEO : 'અમે આ યુદ્ધ નહોતા ઈચ્છતા, અમારા પર લાદવામાં આવ્યું હતું', ઈરાનના સર્વોચ્ચ નેતાના પ્રતિનિધિ

અમેરિકા અને ઈરાન વચ્ચેના યુદ્ધવિરામ અંગે ભારતમાં ઈરાનના સર્વોચ્ચ નેતાના પ્રતિનિધિ ડૉ. અબ્દુલ મજિદ હકીમ ઈલાહીએ એક મહત્વનું નિવેદન આપ્યું છે. તેમણે ભારપૂર્વક જણાવ્યું હતું કે ઈરાન ક્યારેય યુદ્ધ ઈચ્છતું નહોતું, પરંતુ આ સંઘર્ષ તેમના પર લાદવામાં આવ્યો હતો.

"ત્રણ દિવસમાં વિજય મેળવવાની ગણતરી ખોટી પડી"

ડૉ. ઈલાહીએ જણાવ્યું હતું કે, "આ યુદ્ધની શરૂઆત સામે પક્ષે કરી હતી. તેઓ એવા ભ્રમમાં હતા કે માત્ર ત્રણ દિવસની અંદર તેઓ બધું જ પૂરું કરી દેશે અને વિજય મેળવી લેશે. પરંતુ અંતે તેમને સમજાયું કે આ તેમની એક બહુ મોટી ભૂલ હતી."

નાગરિકો અને સંસ્કૃતિ પર હુમલાનો આરોપ

તેમણે ગંભીર આરોપ લગાવતા કહ્યું કે, અમેરિકાએ ઈરાનના રહેણાંક વિસ્તારો અને સામાન્ય નાગરિકો પર હુમલા કર્યા છે. અમેરિકાએ ઈરાન પર 10,000 થી વધુ વખત હુમલા કર્યા હોવાનું નિવેદન આપ્યું છે. તેમણે ઈરાની સભ્યતા અને સંસ્કૃતિને ખતમ કરવાની ધમકી આપી હતી, જે દર્શાવે છે કે તેઓ ઈરાન અને માનવતાને સમજવામાં નિષ્ફળ રહ્યા છે.

ઈરાની જનતાનો અતૂટ જુસ્સો
જ્યારે ઈરાની નાગરિકોને ખબર પડી કે હોસ્પિટલો, મસ્જિદો અને પુલ જેવા જાહેર ઈન્ફ્રાસ્ટ્રક્ચર પર હુમલો થવાની શક્યતા છે, ત્યારે લોકો રસ્તા પર ઉતરી આવ્યા હતા. ડૉ. ઈલાહીએ ઉમેર્યું કે, "ગઈકાલે પણ જ્યારે હુમલાની આશંકા હતી, ત્યારે ઈરાની જનતા આ સ્થળોએ એકઠી થઈ ગઈ હતી. લોકો પોતાની માળખાગત સુવિધાઓ અને દેશની રક્ષા માટે બલિદાન આપવા તૈયાર હતા. અંતે, વિરોધીઓને અહેસાસ થયો કે તેઓ ઈરાનને નબળું પાડી શકે તેમ નથી.