VIDEO: અમદાવાદમાં ભારે વરસાદના કારણે વટવા જીઆઈડીસી અને વસ્ત્રાલ વિસ્તારમાં પાણી ભરાયા

અમદાવાદ શહેરમાં મેઘરાજાની બેટિંગથી અનેક વિસ્તારોમાં જળબંબાકાર જેવી સ્થિતિ સર્જાઈ છે. ભારે વરસાદના કારણે વટવા જીઆઈડીસી અને વસ્ત્રાલ વિસ્તારમાં પાણી ભરાઈ જવાના દ્રશ્યો સામે આવ્યા છે. રસ્તાઓ પાણીમાં ડૂબી જવાથી વાહનવહારે ભારે મુશ્કેલીઓનો સામનો કરવો પડ્યો છે. ઔદ્યોગિક વિસ્તાર ગણાતા વટવા જીઆઈડીસીમાં પાણી ભરાતા નોકરીયાતો અને સ્થાનિક વેપારીઓ ભારે પરેશાન થયા છે. પ્રશાસનની પ્રિ-મોન્સૂન કામગીરીની પોલ ખોલતી આ ઘટના બાદ સ્થાનિક લોકોમાં તંત્ર સામે ભારે રોષ જોવા મળી રહ્યો છે. વાહનચાલકોને પણ પાણી ભરેલા રસ્તાઓ પરથી પસાર થવામાં ભારે હાલાકી વેઠવી પડી રહી છે, જેના કારણે શહેરમાં ટ્રાફિકજામની સમસ્યા સર્જાઈ છે.