VIDEO: પશ્ચિમ બંગાળના બીજા તબક્કાના મતદાન દરમિયાન નાદિયા જિલ્લામાં હિંસાની ઘટના

પશ્ચિમ બંગાળ વિધાનસભા ચૂંટણી 2026ના બીજા તબક્કાના મતદાન દરમિયાન નાદિયા જિલ્લામાં હિંસાની ઘટના સામે આવી છે. અહીં મતદાનની પ્રક્રિયા શરૂ હોવા છતાં રાજકીય તણાવ જોવા મળ્યો હતો, જેમાં ભાજપના પોલિંગ એજન્ટ મોશર્રફ મીર પર તૃણમૂલ કોંગ્રેસના કાર્યકરોએ કથિત રીતે હુમલો કર્યો હોવાનો આરોપ લાગ્યો છે. આ ઘટનાને પગલે વિસ્તારમાં અફરાતફરી મચી ગઈ હતી અને ભાજપે સત્તાધારી પક્ષ પર ચૂંટણીમાં અવરોધ ઊભો કરવાનો ગંભીર આક્ષેપ કર્યો છે. સુરક્ષા દળોની હાજરી હોવા છતાં બનેલી આ ઘટનાએ કાયદો અને વ્યવસ્થા સામે પ્રશ્નો ઊભા કર્યા છે, જ્યારે બીજી તરફ અન્ય સ્થળોએ મતદાન શાંતિપૂર્ણ રીતે ચાલુ હોવાના અહેવાલ છે.