VIDEO: છોટાઉદેપુરના રોઝવા ગ્રામજનોએ જિલ્લા અને તાલુકા પંચાયતની ચૂંટણીનો સંપૂર્ણ બહિષ્કાર કર્યો

છોટાઉદેપુરના રોઝવા ગામે છેલ્લા 20 વર્ષથી વણઉકેલાયેલી રસ્તાની સમસ્યાથી કંટાળેલા ગ્રામજનોએ આખરે આકરો મિજાજ બતાવતા જિલ્લા કલેક્ટર કચેરીમાં આવેદનપત્ર પાઠવ્યું છે. નેતાઓ અને અધિકારીઓને વારંવારની રજૂઆત છતાં કોઈ પરિણામ ન આવતા, રોઝવા અને મોટા રામપુરા જૂથ ગ્રામ પંચાયતના ગ્રામજનોએ જિલ્લા અને તાલુકા પંચાયતની ચૂંટણીનો સંપૂર્ણ બહિષ્કાર કર્યો હતો. ચૂંટણી પહેલા રસ્તાના કામ અંગે લેખિત બાહેંધરી ન મળતા ગામના 600 મતદારોમાંથી એક પણ વ્યક્તિએ મતદાન ન કરીને પોતાનો રોષ પ્રગટ કર્યો હતો. ગ્રામજનોએ હવે કલેક્ટર અને તાલુકા પંચાયત કચેરીમાં જઈને આઝાદીના દાયકાઓ પછી પણ કાચા અને બિસમાર રસ્તાની પીડામાંથી મુક્તિ અપાવવા ઉગ્ર માંગ કરી છે.