VIDEO: ક્રિકેટ એસોસિએશનમાં પરિવારવાદનો વિવાદ વકર્યો, 20 જેટલા ક્રિકેટ એસોસિએશનના પ્રતિનિધિઓ પહોંચ્યા રાજકોટ

રાજકોટ સ્થિત સૌરાષ્ટ્ર ક્રિકેટ એસોસિએશનમાં છેલ્લા ઘણા સમયથી ચાલી રહેલા પરિવારવાદનો મામલો હવે વધુ ગરમાયો છે. આ વિવાદને લઈને સૌરાષ્ટ્ર અને કચ્છના 20 જેટલા અલગ-અલગ ક્રિકેટ એસોસિએશનના પ્રતિનિધિઓ રાજકોટ પહોંચ્યા છે, જ્યાં તેઓ સુપ્રીમ કોર્ટના નિવૃત્ત જજની સમિતિને રૂબરૂ મળીને પોતાની રજૂઆત કરશે.

SCAમાં કુલ 490 જેટલા સભ્યો હોવા છતાં, આ 20 એસોસિએશનના એક પણ મેમ્બરનો તેમાં સમાવેશ કરવામાં આવ્યો નથી. ઉલ્લેખનીય છે કે, એસોસિએશન પર માત્ર એક જ પરિવારનું એકહથ્થુ શાસન ચાલતું હોવાને કારણે અગાઉ સુપ્રીમ કોર્ટમાં જાહેરહિતની અરજી પણ દાખલ કરવામાં આવી છે, જેને પગલે આ બેઠક ખૂબ જ મહત્વપૂર્ણ માનવામાં આવી રહી છે.