VIDEO/ Ahmedabad; દબાણ હટાવો ઝુંબેશ, એક અઠવાડિયામાં ૬૮૫ લારી-ગલ્લા જપ્ત

ટ્રાફિક વ્યવસ્થા સુધારવા અમદાવાદ મ્યુનિસિપલ કોર્પોરેશનના એસ્ટેટ વિભાગે શહેરના સાતેય ઝોનમાં જાહેર માર્ગો પરથી દબાણો હટાવવાની સઘન કાર્યવાહી કરી છે. છેલ્લા એક અઠવાડિયામાં 685 લારી-ગલ્લા, 253 ગેરકાયદેસર શેડ, 915 તાડપત્રી, 1  હજાર 974 જાહેરાત બોર્ડ અને 4 હજાર 885 અન્ય સામાન જપ્ત કરવામાં આવ્યા છે. આ અભિયાન દરમિયાન 8 લાખ 39 હજાર રૂપિયાનો દંડ વસૂલ કરાયો છે. 1 હજાર 133 વાહનો લોક કરાયા, 1 હજાર 145 વાહનચાલકો પાસેથી દંડ વસૂલ કરાયો અને 10 વાહનો ટોઇંગ કરવામાં આવ્યા છે. AMCએ ચેતવણી આપી છે કે જાહેર માર્ગો પર દબાણ કરનારાઓ વિરુદ્ધ આવી કડક કાર્યવાહી ચાલુ રહેશે.