VIDEO:ANDARNI VAAT/બોર્ડર નજીક પ્રશાસનનું 'ઓપરેશન ક્લીન'

રાજસ્થાનના સરહદી જિલ્લા બાડમેરમાં ભારત-પાકિસ્તાન બોર્ડર નજીક પ્રશાસન દ્વારા 'ઓપરેશન ક્લીન' અંતર્ગત સરકારી જમીન પર બનેલા એક ધાર્મિક માળખાને હટાવવાની કડક કવાયત હાથ ધરવામાં આવી હતી.. આ મામલે સ્થાનિક નાગરિક કરીમ ખાને જણાવ્યું કે, આ વિવાદિત મસ્જિદ અંદાજે ૯૦ વર્ષ જૂની હતી, જેનું નિર્માણ વર્ષો પહેલા અહીં રહેતા તબીબો દ્વારા કરવામાં આવ્યું હતું અને હાલમાં જૂજ લોકો ત્યાં નમાજ અદા કરે છે.. જોકે, વહીવટી તંત્રના જણાવ્યા અનુસાર આ ધાર્મિક બાંધકામ સરકારી જમીન પર અતિક્રમણ કરીને બનાવવામાં આવ્યું હોવાથી તેને દૂર કરવા માટે અગાઉ પણ નોટિસ આપવામાં આવી હતી, જે અંતર્ગત ગત ૧૮મી તારીખે આખરી નોટિસ પાઠવવામાં આવી હતી.

બીજી તરફ, સરહદી વિસ્તારના આ નાના ગામના લોકો આર્થિક સંકટનો સામનો કરી રહ્યા છે અને ગામમાં વીજળીના બિલ પણ બાકી હોવાની વિગતો સામે આવી છે. ગ્રામીણોમાં એવી પણ લાગણી છે કે પ્રશાસન દ્વારા અહીં લાંબા સમયથી કોઈ વિકાસ કાર્યો કરવામાં આવ્યા નથી કે કોઈ મોટા અધિકારીઓએ મુલાકાત લીધી નથી. આ કાર્યવાહીમાં ભેદભાવના આક્ષેપો પણ થઈ રહ્યા છે કારણ કે ત્યાં એક મંદિર પણ આવેલું છે, પરંતુ કાયદાકીય કાર્યવાહી માત્ર એક પક્ષે થઈ રહી હોવાની ચર્ચા છે. વિદેશી ભંડોળ અંગેની આશંકાઓ વચ્ચે, સ્થાનિક ગ્રામજનોએ આખરે સરકારી તંત્રના આદેશો અને કાયદાકીય નિર્ણયોને સ્વીકારીને શાંતિ જાળવવાની તૈયારી દર્શાવી છે.

બ્યૂરો રિપોર્ટ જીએસટીવી