VIDEO/ AMCની ગિફ્ટ: 2026ના અંત સુધીમાં શહેરને મળશે 8 નવા બ્રિજ

અમદાવાદ શહેરમાં ટ્રાફિકની સમસ્યા હળવી કરવા માટે મ્યુનિસિપલ કોર્પોરેશન દ્વારા હાથ ધરાયેલી કામગીરીના ભાગરૂપે વર્ષ ૨૦૨૬ના અંત સુધીમાં શહેરને ૮ નવા બ્રિજની ભેટ મળશે. હાલમાં વિવિધ વિસ્તારોમાં બ્રિજ નિર્માણની કામગીરી પૂરજોશમાં ચાલી રહી છે, જેમાં વાડજ સર્કલ પર બની રહેલો બ્રિજ આગામી બે-ત્રણ મહિનામાં જ જનતા માટે ખુલ્લો મુકાય તેવી શક્યતા છે. આ પ્રોજેક્ટ્સમાં ઐતિહાસિક એલિસબ્રિજનું કામ પણ જુલાઈ અંત સુધીમાં પૂર્ણ થશે, જેનો ઉપયોગ હવે માત્ર પદયાત્રીઓ માટે જ કરવામાં આવશે. વર્ષના અંત સુધીમાં તૈયાર થનારા અન્ય મુખ્ય બ્રિજોમાં થલતેજ-હેબતપુર રેલવે ઓવરબ્રિજ, મકરબાથી કોર્પોરેટ રોડ બ્રિજ, ગોતા એસ.જી. હાઈવે ફોરલેન અંડરપાસ અને વિવેકાનંદનગરના નવા માઈનોર બ્રિજનો સમાવેશ થાય છે. આ નવા ઈન્ફ્રાસ્ટ્રક્ચરથી શહેરના પૂર્વ અને પશ્ચિમ વિસ્તારોમાં વાહનવ્યવહાર વધુ સુગમ બનશે.