VIDEO: અંકલેશ્વર અને હાંસોટ પંથકમાં વહેલી સવારથી ધોધમાર વરસાદ, શાળાઓમાં રજા જાહેર

અંકલેશ્વર અને હાંસોટ પંથકમાં મેઘરાજાએ ધમાકેદાર બેટિંગ કરી છે. આકાશમાં કાળા ડિબાંગ વાદળોની ફૌજ સાથે વહેલી સવારથી જ ધોધમાર વરસાદ શરૂ થઈ ગયો છે. અનરાધાર વરસી રહેલા આ વરસાદના કારણે રસ્તાઓ પર પાણી ફરી વળ્યા છે અને વાહનવ્યવહાર પણ પ્રભાવિત થયો છે, જેનાથી સામાન્ય જનજીવન અસ્તવ્યસ્ત બન્યું છે. વિદ્યાર્થીઓની સલામતીને ધ્યાનમાં રાખીને તંત્ર દ્વારા આજે અંકલેશ્વર અને હાંસોટ વિસ્તારની તમામ શાળા-કોલેજોમાં રજા જાહેર કરવામાં આવી છે. ભારે વરસાદના કારણે નીચાણવાળા વિસ્તારોમાં પાણી ભરાવાની સમસ્યા સર્જાઈ છે, જેને લઈને સ્થાનિક તંત્ર દ્વારા પણ જરૂરી સતર્કતા દાખવવામાં આવી રહી છે.