VIDEO: બડગામમાં સંયુક્ત ઓપરેશનમાં આતંકી ઢેર

જમ્મુ અને કાશ્મીરના બડગામ જિલ્લામાં ભારતીય સેના, જે એન્ડ કે પોલીસ અને સીઆરપીએફ દ્વારા હાથ ધરવામાં આવેલા એક સંયુક્ત સર્ચ ઓપરેશન દરમિયાન એક આતંકવાદીને ઠાર કરવામાં આવ્યો છે. વિસ્તારમાં આતંકવાદીઓની હાજરી અંગેની ચોક્કસ બાતમી મળ્યા બાદ સુરક્ષા દળોએ સમગ્ર વિસ્તારને ઘેરી લઈને કડક ઘેરાબંધી કરી હતી. આ દરમિયાન આતંકીઓએ સુરક્ષા દળો પર ગોળીબાર શરૂ કર્યો હતો, જેનો સેનાએ વળતો અને સચોટ જવાબ આપ્યો હતો. આ અથડામણમાં એક આતંકવાદી માર્યો ગયો છે અને તેની પાસેથી હથિયારો તથા દારૂગોળો જપ્ત કરવામાં આવ્યો છે. હાલમાં સુરક્ષા દળો દ્વારા વિસ્તારમાં અન્ય આતંકીઓની શોધખોળ માટે સઘન સર્ચ ઓપરેશન ચાલુ રાખવામાં આવ્યું છે.