તિબેટમાં માઉન્ટ એવરેસ્ટના પૂર્વીય ઢાળ નજીક હજારોની સંખ્યામાં ટ્રેકર્સ શક્તિશાળી બરફના તોફાનમાં ફસાયા હોવાના સમાચાર છે. ચીનના સરકારી મીડિયાએ રવિવારે માહિતી આપી કે, બચાવ ટીમોએ તેમાંથી લગભગ 350 જેટલા ટ્રેકર્સને સુરક્ષિત સ્થાનો પર પહોંચાડી દીધા છે.
આ તોફાન એક દુર્લભ ઘટના...
સામાન્ય રીતે, હિમાલયન ક્ષેત્રમાં આ સિઝનમાં બરફનું તોફાન આવવું એ અસામાન્ય અને દુર્લભ ઘટના છે. એવરેસ્ટ ટ્રેકિંગ માટે આ સમયને સૌથી યોગ્ય માનવામાં આવે છે. જોકે, આ વખતે કમોસમી બરફવર્ષા શરૂ થતાં ટ્રેકિંગની પ્રવૃત્તિઓમાં મોટી અડચણ ઊભી થઈ છે અને મોટા પાયે તાત્કાલિક બચાવ અભિયાન શરૂ કરવાની ફરજ પડી છે.
https://twitter.com/AlertaNews24/status/1974993837257875809
હજુ પણ સેંકડો ટ્રેકર્સ ફસાયેલા
ચાઇનીઝ બ્રોડકાસ્ટર સીસીટીવી (CCTV) અનુસાર, રવિવાર સુધીમાં લગભગ 350 ટ્રેકર્સ કુદાંગ ટાઉનશિપ પહોંચી ગયા હતા. જ્યારે આ વિસ્તારમાં ફસાયેલા અન્ય 200 જેટલા ટ્રેકર્સ સાથે સંપર્ક સ્થાપિત કરવામાં આવ્યો છે. હાલમાં, બચાવ ટીમો તેમને સુરક્ષિત રીતે નીચે લાવવાના કાર્યમાં વ્યસ્ત છે.
ચીનમાં હાલમાં રજાઓના દિવસ
ચીનમાં 8 દિવસની રાષ્ટ્રીય રજાઓ દરમિયાન મોટી સંખ્યામાં પ્રવાસીઓ ટ્રેકિંગ માટે કર્મા વેલી પહોંચ્યા હતા. આ ઘાટી માઉન્ટ એવરેસ્ટના પૂર્વીય કાંગશુંગ તરફ જાય છે. ગયા સપ્તાહના અંતે આ વિસ્તારમાં અસામાન્ય રીતે ભારે બરફવર્ષા અને વરસાદ થયા બાદ, એવરેસ્ટના પૂર્વીય રિજ (Eastern Ridge) ના મનોહર દ્રશ્યો માટે પ્રખ્યાત આ સુંદર ખીણ ખતરનાક બની ગઈ છે. ચેન ગેશુઆંગ, જે 18 ટ્રેકર્સની ટુકડી સાથે અહીં ટ્રેકિંગ માટે ગયા હતા, તેમને પણ બચાવ ટીમે કુદાંગ સુધી સુરક્ષિત પહોંચાડ્યા હતા.
