VIDEO: રસિકપુરા નજીક સાબરમતીના પુલ પર ફરી ગાબડું

ખેડાના રસિકપુરા સાબરમતી પુલ પર રોડ બેસી જતા રસ્તો બંધ કરાયો છે. પુલના છેડે ભારે વરસાદ બાદ ફરીથી મોટું ગાબડું પડતાં સ્થાનિકોની ચિંતા વધી છે. ગયા વર્ષે પણ આ જ સ્થળે ગાબડું પડ્યું હોવા છતાં, માર્ગ અને મકાન વિભાગની બેદરકારીને કારણે કોઈ કાયમી નિકાલ લવાયો નથી. ગામના સરપંચે કહ્યું કે, તંત્ર દર વર્ષે માત્ર માટી-કપચી નાખી કાગળ પર કામગીરી બતાવી સંતોષ માની લે છે. સ્થાનિકોએ પુલનું તાત્કાલિક ટેકનિકલ નિરીક્ષણ કરી કાયમી સમારકામ કરવાની ઉગ્ર માંગ કરી છે.