VIDEO: જાફરાબાદના કોસ્ટલ બેલ્ટમાં લાંબા વિરામ બાદ વરસાદનું આગમન, ખેડૂતોમાં ખુશીની લહેર

અમરેલી જિલ્લાના જાફરાબાદના દરિયાકાંઠા વિસ્તારમાં લાંબા વિરામ બાદ આખરે મેઘરાજાની ધમાકેદાર એન્ટ્રી થઈ છે. જાફરાબાદ કોસ્ટલ બેલ્ટ અને આસપાસના ગ્રામ્ય વિસ્તારોમાં વહેલી સવારથી જ ધીમીધારે વરસાદ શરૂ થતાં સમગ્ર વાતાવરણમાં આહલાદક ઠંડક પ્રસરી ગઈ છે. છેલ્લા ઘણા સમયથી પડી રહેલી અસહ્ય ગરમી અને બફારાથી સ્થાનિક લોકોને મોટી રાહત મળી છે. આ વરસાદી ઝાપટાંના કારણે પંથકમાં મનોરમ માહોલ સર્જાયો છે. વરસાદ ખેંચાતાં ચિંતામાં મુકાયેલા જગતના તાત એવા ખેડૂતોમાં આશાનું નવું કિરણ પ્રગટ્યું છે અને ભારે ખુશીની લહેર પ્રવર્તી રહી છે. ખાસ કરીને આ સમયસરના વરસાદી આગમનથી ખેતરોમાં વાવેલા મગફળી અને કપાસના મુખ્ય પાકને નવું જીવનદાન મળતાં મોટો ફાયદો થશે, જેને લીધે ખેડૂત આલમમાં આનંદ છવાયો છે.