VIDEO: મુર્શિદાબાદમાં રેલવે ટ્રેક ધસી પડ્યો

પશ્ચિમ બંગાળના મુર્શિદાબાદમાં ફરક્કા રેલવે ટ્રેક પર જમીન ધસી પડવાની ઘટનાને પગલે રેલ સેવા પ્રભાવિત થઈ છે. ટ્રેકની નીચેની જમીનમાં ધસારો થતાં રેલવે કનેક્ટિવિટી ખોરવાઈ ગઈ છે. ઘટનાની જાણ થતાં રેલવે તંત્ર દ્વારા અસરગ્રસ્ત સ્થળે તપાસ અને સમારકામની કામગીરી હાથ ધરવામાં આવી છે. ઈસ્ટર્ન રેલવેના જનરલ મેનેજર ગીતિકા પણ અસરગ્રસ્ત સ્થળે પહોંચ્યા હતા અને સમગ્ર પરિસ્થિતિનું નિરીક્ષણ કર્યું હતું. અધિકારીઓ પાસેથી તેમણે ટ્રેકની સ્થિતિ અને પુનઃસ્થાપન કામગીરી અંગે માહિતી મેળવી હતી. રેલવે દ્વારા ટ્રેકને સુરક્ષિત બનાવવા માટે જરૂરી પગલાં લેવામાં આવી રહ્યા છે. જમીન ધસી પડવાના કારણે આ માર્ગ પર રેલ વ્યવહાર સામાન્ય થવામાં સમય લાગી શકે છે.