Surat: ગણેશ ઉત્સવને લઇ પોલીસની સઘન સુરક્ષા વ્યવસ્થા, CCTV, AI અને ડ્રોનથી રાખશે નજર
ગણેશ ઉત્સવને શાંતિપૂર્ણ રીતે ઉજવવા માટે સુરત પોલીસ એલર્ટ મોડ પર છે. આ વિશાળ આયોજનને ધ્યા
ગણેશ ઉત્સવને શાંતિપૂર્ણ રીતે ઉજવવા માટે સુરત પોલીસ એલર્ટ મોડ પર છે. આ વિશાળ આયોજનને ધ્યાનમાં રાખીને શહેરમાં સુરક્ષા વ્યવસ્થા અત્યંત સઘન બનાવવામાં આવી છે. પોલીસ કમિશનર અનુપમસિંહ ગહેલોતે જણાવ્યું કે, "શહેરના સંવેદનશીલ અને ગીચ વિસ્તારોમાં 24 કલાક પોલીસની કડક નજર રહેશે, જેથી ઉત્સવ દરમિયાન કોઈ અનિચ્છનીય ઘટના ન બને."
સુરક્ષા વ્યવસ્થાની વિગતો
800 CCTV કેમેરા: શહેરના મુખ્ય ગણેશ પંડાલો અને સંવેદનશીલ વિસ્તારો પર કમાન્ડ એન્ડ કંટ્રોલ રૂમમાંથી સતત નજર રાખવામાં આવશે. આમાંથી 250 કેમેરા આર્ટિફિશિયલ ઇન્ટેલિજન્સ (AI) આધારિત છે, જે શંકાસ્પદ વ્યક્તિઓની હિલચાલ ઓળખીને તત્કાળ એલર્ટ મોકલશે.
ડ્રોન પેટ્રોલિંગ: ગીચ વિસ્તારો અને ગણેશ મંડળો પર 20 હાઈ-રિઝોલ્યુશન ડ્રોન દ્વારા હવાઈ નિરીક્ષણ કરવામાં આવશે, જે ભીડ અને સુરક્ષા પર ચોક્કસ નજર રાખશે.
ક્રાઉડ મેનેજમેન્ટ: ભીડવાળા સ્થળોએ એનાઉન્સમેન્ટ સિસ્ટમ દ્વારા કંટ્રોલ રૂમમાંથી તાત્કાલિક જાહેરાતો કરીને ભીડને નિયંત્રિત કરવામાં આવશે. આ ઉપરાંત, 4,500થી વધુ પોલીસકર્મીઓ, 7,800 હોમગાર્ડ્સ અને 10 SRP કંપનીઓ પેટ્રોલિંગ દ્વારા સુરક્ષા સુનિશ્ચિત કરશે.
