Video: દ્વારકાના દરિયાકાંઠે પ્રતિબંધિત LED લાઈટ ફિશિંગ બેફામ, દરિયાઈ જીવસૃષ્ટિ સામે મોટું જોખમ!

યાત્રાધામ દ્વારકાના રૂપેણ બંદરથી લઈને કચ્છના અખાત સુધીના દરિયાઈ વિસ્તારમાં પ્રતિબંધિત LED લાઈટ ફિશિંગની ગંભીર પ્રવૃત્તિ બેફામ બની છે, જ્યાં એકલા રૂપેણ બંદરે જ આશરે 500 જેટલી હોડીઓ આ ગેરકાયદેસર કામગીરીમાં સંકળાયેલી હોવાનો દાવો થઈ રહ્યો છે. રાત્રિના અંધકારમાં તેજસ્વી LED લાઈટોના અજવાળે મોટા પ્રમાણમાં માછલીઓ પકડવાની આ પદ્ધતિ માત્ર નિયમોનો ભંગ જ નથી, પરંતુ દરિયાઈ જીવસૃષ્ટિના કુદરતી સંતુલનને પણ ગંભીર નુકસાન પહોંચાડી રહી છે. આ કૃત્રિમ પ્રકાશના કારણે નાની અને પ્રજનનક્ષમ માછલીઓનો નાશ થવાની સાથે પરંપરાગત રીતે માછીમારી કરતા સ્થાનિક માછીમારોની રોજીરોટી સામે પણ મોટું જોખમ ઊભું થયું છે.