VIDEO: બિશ્કેકમાં પુતિન સાથે પીએમ મોદીની મુલાકાત, કહ્યું- યુદ્ધ માનવતા માટે મોટો ખતરો

SCO  સમિટ દરમિયાન વડાપ્રધાન નરેન્દ્ર મોદીએ રશિયાના રાષ્ટ્રપતિ વ્લાદિમીર પુતિન સાથે મુલાકાત કરી હતી, જેમાં દ્વિપક્ષીય સંબંધો, રશિયા-યુક્રેન યુદ્ધ અને પ્રાદેશિક વિકાસ જેવા મુદ્દાઓ ચર્ચાના કેન્દ્રમાં રહેવાની શક્યતા છે. રશિયા સાથેની તેની જૂની ભાગીદારીને ઈરાન સાથેના સંબંધો અને યુએસ પ્રમુખ ડોનાલ્ડ ટ્રમ્પના વહીવટીતંત્ર સાથે ચાલી રહેલી વાટાઘાટો સાથે સંતુલિત કરી રહેલા ભારત માટે આ મુલાકાત ખૂબ જ મહત્વપૂર્ણ સમયે થઈ રહી છે. મુલાકાત દરમિયાન પીએમ મોદીએ પુતિનને કહ્યું કે,  યુદ્ધનો દરેક દિવસ માનવતાને પાછળ ધકેલે છે, આપણે શત્રુતા અને યુદ્ધનો અંત લાવવા માટે કામ કરવું જોઈએ. બેઠકની શરૂઆતમાં પુતિને કહ્યું કે, રશિયા અને ભારત વચ્ચેના સંબંધો સતત મજબૂત થઈ રહ્યા છે. રશિયા ભારતનું એક મહત્વપૂર્ણ વ્યૂહાત્મક ભાગીદાર રહ્યું છે, ખાસ કરીને સંરક્ષણ અને ઉર્જા ક્ષેત્રે બંને વચ્ચેની ભાગીદારી મજબૂત છે.