NEWS 20 - 20: પંજાબ સરકાર હવે એક્શનમાં, નાંગલ વિસ્તારને કરોડોના વિકાસકામોની ભેટ

પંજાબમાં ભગવંત માન સરકાર હવે એક્શન મોડમાં આવી છે. મુખ્યમંત્રી માને નાંગલ વિસ્તારને કરોડોના વિકાસકામોની ભેટ ધરી છે. શિક્ષણ, પ્રવાસન અને કૌશલ્ય વર્ધન ક્ષેત્રે નવા પ્રોજેક્ટ્સ શરૂ કરીને યુવાનો માટે રોજગારીની નવી તકો ઉભી કરવાનો સંકલ્પ વ્યક્ત કર્યો છે.

પંજાબના નાંગલમાં મુખ્યમંત્રી ભગવંત માન દ્વારા કૌશલ્ય, પ્રવાસન અને શિક્ષણ ક્ષેત્રના વિવિધ મહત્વકાંક્ષી પ્રોજેક્ટ્સનું ઉદ્ઘાટન કરવામાં આવ્યું છે. આ પ્રસંગે કેપ્ટન અમન કાલિયા સેન્ટર ઓફ એક્સેલન્સનો શિલાન્યાસ કરી દેશ અને રાજ્યની સેવા માટે ભગવાન શિવની આરાધના સાથે કાર્યક્રમનો પ્રારંભ કરાયો હતો. આનંદપુર સાહિબ ખાતે મેનેજમેન્ટ કોમ્પ્લેક્સ અને ટ્રોમા સેન્ટર જેવા જનહિતલક્ષી કાર્યો બદલ વિશેષ આભાર માની સન્માન સમારોહ યોજાયો હતો, જે પ્રદેશના સર્વાંગી વિકાસમાં સીમાચિહ્નરૂપ સાબિત થશે.

આ ભવ્ય કાર્યક્રમ દરમિયાન શૌર્યના પ્રતીક રૂપે મહાના પ્રતાપની તસવીર અને તલવાર ભેટ આપીને અતિથિઓનું બહુમાન કરવામાં આવ્યું હતું. શૈક્ષણિક સુધારા અને પ્રવાસન ક્ષેત્રે નવી તકો ઉભી કરવાના ઉદ્દેશ્ય સાથે સરકારે આ પ્રોજેક્ટ્સ જનતાને અર્પણ કર્યા છે. આ પહેલથી સ્થાનિક યુવાનોને રોજગારી અને આધુનિક શિક્ષણની સુવિધાઓ પ્રાપ્ત થશે. પંજાબની પ્રગતિને વેગ આપવા માટે મુખ્યમંત્રીએ મજબૂત સંકલ્પ વ્યક્ત કર્યો હતો અને ભાવિ યોજનાઓની રૂપરેખા રજૂ કરી હતી.