NEWS 20 - 20: IIT બોમ્બેને મળી મોટી સફળતા, વિકસાવી સૂકા પાંદડામાંથી રાંધણ ગેસ બનાવવાની અદ્દભૂત ટેકનોલોજી

આઈઆઈટી બોમ્બેએ સૂકા પાંદડામાંથી રાંધણ ગેસ બનાવવાની અદભૂત ટેકનોલોજી વિકસાવી છે. એલપીજીના વધતા ભાવ અને અછત વચ્ચે આ ભારતીય શોધ દુનિયાભરમાં ચર્ચાનું કેન્દ્ર બની છે. જુઓ આ ખાસ રિપોર્ટ.

આઈઆઈટી બોમ્બેના પ્રોફેસર સંજય મહાજની અને સંદીપ કુમારે દાયકાના સંશોધન બાદ બાયોમાસ ગેસિફિકેશન ટેકનોલોજી વિકસાવી છે, જે સૂકા પાંદડાને રાંધણ ગેસમાં રૂપાંતરિત કરે છે. આ સ્વદેશી ટેકનોલોજીથી કેમ્પસની કેન્ટીનમાં એલપીજી વપરાશમાં 30 થી 40 ટકાનો ઘટાડો થયો છે અને દર વર્ષે 8 ટન કાર્બન ઉત્સર્જન ઘટી રહ્યું છે. આ પ્રોજેક્ટ દ્વારા વાર્ષિક 50 લાખ રૂપિયાની બચત અને 90 ટન ગેસની બચત થવાનો અંદાજ છે, જે પર્યાવરણ અને અર્થતંત્ર બંને માટે ફાયદાકારક છે.

મધ્ય-પૂર્વના યુદ્ધને કારણે સર્જાયેલી ગેસની અછત વચ્ચે આ શોધ આશીર્વાદરૂપ સાબિત થઈ છે. ઇનફિક્સન એનર્જીને આ ટેકનોલોજીનું લાઇસન્સ આપવામાં આવ્યું છે, જે હવે મોટા હોસ્ટેલોમાં લાગુ કરવામાં આવશે.