Video: મારી માંગવાની સ્ટાઇલ અલગ હતી પણ ઈરાદો ખોટો નહોતો, સાવલી ધારાસભ્યના નિવેદને જગાવી ચર્ચા

વડોદરાના સાવલીમાં આયોજિત એક કાર્યક્રમમાં ધારાસભ્ય કેતન ઇનામદાર ફરી એકવાર પોતાના બિન્દાસ અંદાજને કારણે ચર્ચામાં આવ્યા છે. કેબિનેટ મંત્રી કમલેશ પટેલની ઉપસ્થિતિમાં જ ઇનામદારે સિસ્ટમ અને સરકારને ટોણો મારતા જણાવ્યું કે, મારી પ્રજા માટે માંગવાની મારી સ્ટાઇલ અલગ હતી પણ ઈરાદો ખોટો નહોતો. હું લોકોના હિત માટે હું કોઈ જ બાંધછોડ ન કરી શકું. સમાધાન હું મારી જાત માટે કરી શકું મારી પ્રજા માટે નહી. મને એવું હતું કે મારા વિસ્તારને વહેલું આપી દઉં. આ નિવેદને જિલ્લા ભાજપમાં તરેહ તરેહની ચર્ચાઓ જગાવી છે.