VIDEO: ચેન્નાઈમાં યુથ કોંગ્રેસનું મનુસ્મૃતિ દહન પ્રદર્શન

ચેન્નાઈના ચેટપેટ વિસ્તારમાં આરએસએસ કાર્યાલય બહાર યુથ કોંગ્રેસના કાર્યકરોએ મનુસ્મૃતિની નકલો સળગાવી વિરોધ પ્રદર્શન કર્યું. કાર્યકરોએ જાતિ આધારિત ભેદભાવ અને સામાજિક અસમાનતા સામે સૂત્રોચ્ચાર કર્યા. પ્રદર્શનકારીઓએ બંધારણને સર્વોચ્ચ ગણાવી દેશ બંધારણના સિદ્ધાંતો મુજબ ચાલવો જોઈએ તેવી માંગ કરી. આ વિરોધ હલ્દવાનીમાં કોંગ્રેસ અધ્યક્ષ મલ્લિકાર્જુન ખડગેના કાર્યક્રમ બાદ સ્થળના કથિત ‘શુદ્ધિકરણ’ને લઈને કોંગ્રેસના વિરોધના સંદર્ભમાં યોજાયો હતો. યુથ કોંગ્રેસે ભાજપ અને આરએસએસની વિચારધારા પર પણ આક્ષેપો કર્યા. દિલ્હીમાં સમાન પ્રદર્શન દરમિયાન યુથ કોંગ્રેસના રાષ્ટ્રીય અધ્યક્ષ ઉદય ભાનુ ચિબ સહિત કેટલાક કાર્યકરોને પોલીસે કસ્ટડીમાં લીધા હતા.