VIDEO: કેન્દ્રીય કેબિનેટનો મોટો નિર્ણય, EPFO વેતન મર્યાદા વધારીને રૂ.25,000 કરાઈ

કેન્દ્રીય કેબિનેટે EPFO હેઠળ ફરજિયાત કવરેજ માટેની માસિક વેતન મર્યાદા રૂ.15 હજારથી વધારીને રૂ.25 હજાર કરવાની મંજૂરી આપી છે. આ નિર્ણયથી 15થી 25 હજાર રૂપિયા માસિક આવક ધરાવતા કર્મચારીઓને ફરજિયાત સામાજિક સુરક્ષાનો લાભ મળશે. સરકારના આ પગલાથી 51 લાખથી વધુ વધારાના કર્મચારીઓ EPF, પેન્શન અને વીમા કવચ હેઠળ આવશે. નવા નિયમથી કર્મચારી અને એમ્પ્લોયર બંને તરફથી PF ખાતામાં યોગદાન જમા થશે. સાથે જ પેન્શનપાત્ર વેતનનો દાયરો વધતાં કર્મચારીઓને ભવિષ્યમાં વધુ પેન્શન સુરક્ષા મળવાની શક્યતા છે.