VIDEO: કર્ણાટકમાં ભ્રષ્ટાચાર વિરુદ્ધ મોટી કાર્યવાહી, લોકાયુક્ત પોલીસે મહાનગરપાલિકાની 12 જેટલી ઝોનલ કચેરીઓ પર એકસાથે દરોડા પાડ્યા

કર્ણાટકના હુબલી-ધારવાડમાં ભ્રષ્ટાચાર વિરુદ્ધ મોટી કાર્યવાહી કરતા લોકાયુક્ત પોલીસે ગઈકાલે હુબલી-ધારવાડ મહાનગરપાલિકાની ૧૨ જેટલી ઝોનલ કચેરીઓ પર એકસાથે દરોડા પાડ્યા હતા. આ કાર્યવાહી સરકારી સેવાઓમાં થતા અસહ્ય વિલંબ અને સામાન્ય જનતા પાસેથી કામના બદલામાં નાણાં માંગવાની વ્યાપક ફરિયાદોને આધારે કરવામાં આવી છે. સૂત્રોના જણાવ્યા અનુસાર, લોકાયુક્તની ટીમે કચેરીઓમાં ફાઈલોની તપાસ કરી અને બાકી રહેલા કામોના કારણો માંગ્યા હતા. ઘણા અધિકારીઓ અને કર્મચારીઓ દ્વારા નાગરિકોને પરેશાન કરવામાં આવતા હોવાના પુરાવા મળ્યા છે. આ ઓચિંતા દરોડાથી પાલિકાના ભ્રષ્ટ અધિકારીઓમાં ફફડાટ ફેલાઈ ગયો છે. લોકાયુક્ત પોલીસ હવે જપ્ત કરાયેલા દસ્તાવેજોની ઝીણવટભરી તપાસ કરી રહી છે અને ટૂંક સમયમાં જવાબદાર કર્મચારીઓ વિરુદ્ધ કડક કાયદાકીય પગલાં લેવામાં આવશે.