Surat: ભૂસ્તરશાસ્ત્રી કચેરીમાં કાયમી અધિકારીનો અભાવ, સરકારને કરોડો રૂપિયાની રોયલ્ટીનું નુકસાન
સુરત જિલ્લાની ભૂસ્તરશાસ્ત્રી કચેરીમાં છેલ્લા ત્રણ વર્ષથી કાયમી ભૂસ્તરશાસ્ત્રીની ભરતી ન થતાં ફરિયાદ
સુરત જિલ્લાની ભૂસ્તરશાસ્ત્રી કચેરીમાં છેલ્લા ત્રણ વર્ષથી કાયમી ભૂસ્તરશાસ્ત્રીની ભરતી ન થતાં ફરિયાદની તપાસમાં મોટો વિલંબ થયો છે. પ્રદેશ કોંગ્રેસ મહામંત્રી દર્શન નાયકે અધિક મુખ્ય સચિવ અને કમિશનરને આ અંગે રજૂઆત કરી છે. આ કારણે ખનીજ ચોરીને મોકળું મેદાન મળ્યું છે, જેના કારણે સરકારને કરોડો રૂપિયાની રોયલ્ટીનું નુકસાન થયું છે અને ખનીજ વહીવટમાં ગંભીર અવરોધ અને અનિયમિતતાઓ ઊભી થઈ છે.
