VIDEO: કિરણ ચૌધરી ઈ-રિક્ષામાં કાર્યક્રમમાં પહોંચ્યા

હરિયાણાના ભિવાનીમાં પંડિત નેકી રામ શર્મા સરકારી મેડિકલ કોલેજના ભવ્ય ઉદ્ઘાટન સમારોહમાં એક અનોખો નજારો જોવા મળ્યો હતો. ભાજપના વરિષ્ઠ નેતા અને પૂર્વ સાંસદ કિરણ ચૌધરી કોઈ લક્ઝરી કારના બદલે સામાન્ય ઈ-રિક્ષામાં બેસીને કાર્યક્રમ સ્થળે પહોંચ્યા હતા. વડાપ્રધાન નરેન્દ્ર મોદી દ્વારા આ મેડિકલ કોલેજ રાષ્ટ્રને સમર્પિત કરવામાં આવી છે. સામે આવેલા વીડિયો દ્રશ્યોમાં કિરણ ચૌધરી ઈ-રિક્ષામાં સવાર થઈને વીઆઈપી ગેટ તરફ જતા નજરે પડે છે, જે સામાન્ય લોકોમાં ભારે આકર્ષણનું કેન્દ્ર બન્યું હતું. આ પ્રસંગે તેમણે પોતાનું  નિવેદન આપતા જણાવ્યું કે, આ મેડિકલ કોલેજ ભિવાની અને સમગ્ર હરિયાણાના સ્વાસ્થ્ય ક્ષેત્ર માટે એક ઐતિહાસિક સીમાચિહ્ન સાબિત થશે અને સ્થાનિક સ્તરે જ લોકોને વિશ્વસ્તરીય સારવાર મળી રહેશે. વહીવટી તંત્ર દ્વારા આ ભવ્ય સમારોહને લઈને સુરક્ષાની ચુસ્ત વ્યવસ્થા કરવામાં આવી હતી.