VIDEO: Narmada/ રાજપીપળામાં હવે ‘ચાની કિટલી’ પર જ આવશે લોકોની પ્રાથમિક સમસ્યાઓનું નિરાકરણ! કોર્પોરેટર ગીતાબેન પાટણવાડિયાનો નિર્ણય ચર્ચામાં

રાજપીપળા નગરપાલિકાની ચૂંટણીમાં ભાજપની ટિકિટ પરથી મેદાને ઉતરેલા અને ચાની કિટલી ચલાવતા ગીતાબેન પાટણવાડિયાએ ભવ્ય જીત મેળવી છે. એક સામાન્ય અને મહેનતુ મહિલાની આ જીતથી સમગ્ર વિસ્તારમાં ખુશીનો માહોલ છે. સૌથી ખાસ વાત તો એ છે કે, કોર્પોરેટર બન્યા બાદ પણ ગીતાબેન પોતાની ચાની કિટલી ચાલુ રાખશે અને તેને જ પોતાનું 'જનસંપર્ક કાર્યાલય' બનાવશે. અહીંથી જ તેઓ લોકોની રોડ, પાણી, લાઈટ અને ગટર જેવી પ્રાથમિક સમસ્યાઓ સાંભળી તેનું નિરાકરણ લાવશે.