VIDEO: PF ખાતાધારકો માટે મહત્વના સમાચાર, વ્યાજ ન દેખાય તો ગભરાશો નહીં

કર્મચારી ભવિષ્ય નિધિ સંગઠન એટલે કે EPFOએ નાણાકીય વર્ષ 2025-26 માટે 8.25 ટકા વ્યાજ 15 જુલાઈ 2026થી ખાતાઓમાં જમા કરવાની પ્રક્રિયા શરૂ કરી છે. કરોડો ખાતાઓમાં વ્યાજ તબક્કાવાર જમા થતું હોવાથી તમામ સભ્યોના ખાતામાં એકસાથે એન્ટ્રી દેખાતી નથી. વ્યાજ જમા થતાં જ નોંધાયેલા મોબાઇલ નંબર પર SMS મોકલવામાં આવે છે અને UMANG એપ અથવા EPFO પાસબુકમાં પણ તેની એન્ટ્રી જોઈ શકાય છે. જો હજુ સુધી વ્યાજ દેખાતું ન હોય તો તેનો અર્થ એવો નથી કે તમારું વ્યાજ કપાઈ ગયું છે. જોકે EPFOએ સલાહ આપી છે કે વ્યાજ જમા થાય તે પહેલાં આખું PF ઉપાડી ખાતું બંધ કરવાથી તે નાણાકીય વર્ષનું વ્યાજ મળવામાં મુશ્કેલી પડી શકે છે. તેથી શક્ય હોય તો વ્યાજ ક્રેડિટ થયા બાદ જ સંપૂર્ણ PF ઉપાડવાનો નિર્ણય લેવો વધુ યોગ્ય ગણાય છે.