VIDEO: માનવતા હજુ જીવે છે! ઇન્ટરનેટ પર લાખો લોકોના દિલ જીતી રહ્યો છે આ વિડિયો!

છત્તીસગઢના બિલાસપુરમાં સતત થઈ રહેલા વરસાદે લોકોની મુશ્કેલીઓ વધારી દીધી છે. ઘણા વિસ્તારોના રસ્તાઓ પર પાણી ભરાઈ ગયા છે, જેના કારણે રોજિંદી મુસાફરી પણ એક પડકાર બની ગઈ છે. આ દરમિયાન સોશિયલ મીડિયા પર એક એવો વિડિયો વાયરલ થઈ રહ્યો છે, જેણે લોકોનું ધ્યાન માત્ર વરસાદ કે જળબંબાળ તરફ જ નહીં, પરંતુ માનવતાના એક સુંદર ઉદાહરણ તરફ પણ ખેંચ્યું છે. વિડિયોમાં એક યુવક વરસાદ વચ્ચે ફસાયેલી મહિલાની મદદ કરતો જોવા મળે છે અને આ નાનકડો પ્રયાસ હવે ઇન્ટરનેટ પર લાખો લોકોના દિલ જીતી રહ્યો છે.

વિડિયોમાં જોઈ શકાય છે કે રસ્તા પર ઘણું પાણી ભરાયેલું છે. આ દરમિયાન એક મહિલા પોતાની સ્કૂટી સાથે રસ્તાની વચ્ચે ફસાયેલી જોવા મળે છે. પ્રથમ નજરે એવું લાગે છે કે કદાચ સ્કૂટી બંધ થઈ ગઈ છે, પરંતુ જ્યારે સૌરભ તેની પાસે પહોંચીને વાત કરે છે ત્યારે આખી સ્થિતિ સામે આવે છે. મહિલા જણાવે છે કે તેનો પગ સ્કૂટીમાં ક્યાંક ખરાબ રીતે ફસાઈ ગયો છે. આ જ કારણે તે ન તો સ્કૂટી પરથી ઉતરી શક્તિ હતી અને ન તો તેને આગળ વધારી શક્તિ હતી. પાણીથી ભરેલા રસ્તા વચ્ચે ઊભા રહેવું તેના માટે ખૂબ જ તકલીફદાયક બની ગયું હતું.

મહિલાની વાત સાંભળતા જ સૌરભે સમય બગાડ્યા વિના પોતાની બાઇક એક તરફ ઊભી કરી દીધી. તેમણે સૌથી પહેલા મહિલાને ગભરાવાની ના પાડી અને વિશ્વાસ અપાવ્યો કે બધું ઠીક થઈ જશે. ત્યારબાદ તેમણે ધ્યાનથી જોયું કે આખરે પગ કઈ જગ્યાએ ફસાયો છે. ખૂબ જ સાવચેતી સાથે તેમણે તે ભાગને હટાવ્યો, જેના કારણે મહિલાનો પગ અટવાયો હતો. થોડી જ વારના પ્રયાસ પછી મહિલાનો પગ બહાર નીકળી ગયો અને તેને રાહત મળી.

ત્યારપછી પણ સૌરભ ત્યાં જ ન રોકાયા. તેમણે મહિલાને પૂછ્યું કે ક્યાંય વાગ્યું તો નથી ને અને તે સારું અનુભવી રહી છે કે નહીં. જ્યારે તેમને ખાતરી થઈ ગઈ કે મહિલા સુરક્ષિત છે, ત્યારે તેમણે સ્કૂટીને પણ રસ્તાના કિનારે એક સુરક્ષિત જગ્યાએ ઊભી રાખવામાં મદદ કરી. આ આખી ઘટના કેમેરામાં કેપ્ચર થઈ ગઈ, પરંતુ વિડિયો જોઈને સ્પષ્ટ અનુભવાય છે કે મદદ કરવાનો તેમનો હેતુ માત્ર કન્ટેન્ટ બનાવવાનો નહીં, પરંતુ જરૂરિયાતમંદની સહાય કરવાનો હતો.

વિડિયો શેર કરતી વખતે સૌરભે લોકોને એક ખાસ અપીલ પણ કરી. તેમણે લખ્યું કે જો રસ્તામાં ક્યારેય કોઈ મુશ્કેલીમાં દેખાય અને તમે તેની મદદ કરી શકતા હોવ, તો ચોક્કસ કરો. કોઈની નાનકડી સહાય પણ તેના માટે મોટી રાહત બની શકે છે. તેમનું કહેવું હતું કે માનવતાનો સાચો અર્થ એ જ છે કે જરૂર પડે ત્યારે આપણે એકબીજાનો સાથ આપીએ. આ વિડિયો ઇન્ટરનેટ પર આવતા જ ઝડપથી વાયરલ થઈ ગયો. લાખો લોકોએ તેને જોયો અને મોટી સંખ્યામાં યુઝર્સે તેના પર પોતાની પ્રતિક્રિયા પણ આપી. અત્યાર સુધી આ વિડીયોને ૧૦ લાખથી વધુ વખત જોવામાં આવ્યો છે.