VIDEO: કેશોદ બાર એસોસિયેશન દ્વારા હાઇકોર્ટ બેંચની માંગ

કેશોદ બાર એસોસિયેશન દ્વારા રાજકોટ ખાતે ગુજરાત હાઇકોર્ટની બેંચ સ્થાપવાની વર્ષો જૂની માંગ સાથે ડેપ્યુટી કલેક્ટર અને મામલતદારને આવેદનપત્ર આપવામાં આવ્યું છે. આ માંગના સમર્થનમાં વકીલો એક દિવસ ન્યાયિક કામકાજથી અળગા રહી મોટી સંખ્યામાં જોડાયા હતા.આવેદનમાં જણાવ્યા મુજબ, રાજકોટ ખાતે બેંચ શરૂ થવાથી હાઇકોર્ટમાં સૌરાષ્ટ્ર-કચ્છના મુકદ્દમાઓનું ૪૦ ટકા ભારણ ઘટશે અને લોકોને અમદાવાદ સુધી ૬ થી ૧૨ કલાકની લાંબી મુસાફરી નહીં કરવી પડે. રાજકોટ સેન્ટર પોઈન્ટ હોવાથી અને પૂરતી જગ્યા ઉપલબ્ધ હોઈ, અન્ય રાજ્યોની જેમ અહીં પણ ઝડપી અને સસ્તો ન્યાય મળે તેવી પ્રબળ માંગ કરાઈ છે