VIDEO: મહારાષ્ટ્રમાં સમાન નાગરિક સંહિતા લાગુ કરવા સરકાર તૈયાર: શિયાળુ સત્રમાં કાયદો લાવવાની યોજના

મહારાષ્ટ્રના મુખ્યમંત્રી દેવેન્દ્ર ફડણવીસે જણાવ્યું છે કે સમાન નાગરિક સંહિતા માટે ભલામણો તૈયાર કરતી સમિતિ અહેવાલ સુપરત કરતાની સાથે જ રાજ્ય સરકાર તેનો અમલ કરશે. સરકાર વિધાનસભાના શિયાળુ સત્ર દરમિયાન આ અંગેનો કાયદો લાવવાની યોજના ધરાવે છે. કેન્દ્રીય ગૃહમંત્રી અમિત શાહના નિવેદન બાદ આ  જાહેરાત કરવામાં આવી છે. સુપ્રીમ કોર્ટના નિવૃત્ત ન્યાયાધીશ જસ્ટિસ રંજના દેસાઈના નેતૃત્વ હેઠળની સાત સભ્યોની સમિતિ હાલ આ મામલે અહેવાલ તૈયાર કરવા પર કામ કરી રહી છે.