VIDEO: સુરતના મહાત્મા ગાંધી ફ્રૂટ માર્કેટમાં આગ લાગી, સદનસીબે જાનહાની ટળી

સુરતના સહારા દરવાજા વિસ્તારમાં આવેલી પ્રસિદ્ધ મહાત્મા ગાંધી ફ્રૂટ માર્કેટમાં આગ લાગી હતી. APMC માર્કેટ નજીક આવેલી આ માર્કેટમાં પડેલા પ્લાસ્ટિકના બેરેકમાં અચાનક આગ ફાટી નીકળી હતી.પ્લાસ્ટિકના જથ્થાને કારણે આગે જોતજોતામાં વિકરાળ સ્વરૂપ ધારણ કર્યું હતું..

ફાયર બ્રિગેડની 5 ગાડીઓ સ્થળ પર દોડી ગઈ

ઘટનાની જાણ થતા જ ફાયર બ્રિગેડની 5 ગાડીઓ સ્થળ પર દોડી ગઈ હતી અને ભારે જહેમત બાદ આગ પર કાબૂ મેળવ્યો હતો. સદનસીબે, આ દુર્ઘટનામાં કોઈ જાનહાનિ કે ઈજા થઈ નથી, જેનાથી તંત્ર અને લોકોએ રાહતનો શ્વાસ લીધો છે.