VIDEO: રાજકોટની પદ્મકુંવરબા હોસ્પિટલમાં દર્દીઓના પરિવારજનો ઘરેથી પંખા લઈને પહોંચ્યા, મહિલા દર્દીઓ ગરમીમાં રહેવા મજબૂર

રાજકોટની સરકારી પદ્મકુંવરબા હોસ્પિટલમાં દર્દીઓની હાલત દયનીય બની છે. હોસ્પિટલના એક વોર્ડમાં 12બેડ સામે માત્ર બે પંખા હોવાથી મહિલા દર્દીઓ પરેશાન છે. આ સ્થિતિના કારણે દર્દીઓના સગાને ઘરેથી પંખા લાવવાની ફરજ પડી છે. આરોગ્ય વિભાગના લાખો રૂપિયાના બજેટ છતાં સુવિધાઓનો અભાવ ચિંતાજનક છે. આ પહેલાં સિવિલ હોસ્પિટલમાં પણ આવી જ સ્થિતિ જોવા મળી હતી.

મીડિયાના અહેવાલ બાદ તાત્કાલિક પંખા રીપેર કરાયા

હોસ્પિટલના ઇન્ચાર્જ સુપરિન્ટેન્ડેન્ટ નરેન્દ્રસિંહ ઝાલાએ જણાવ્યું કે, મીડિયાના અહેવાલ બાદ તાત્કાલિક પંખા રીપેર કરાયા છે. સવાલ એ છે કે, દર વખતે મીડિયાના દબાણ બાદ જ હોસ્પિટલ તંત્ર કેમ જાગે છે. તો બીજી તરફ એ પણ સવાલ ઉભા થયા હતા કે  સરકારી સિવિલ હોસ્પિટલ હોય કે પદ્મા કુવરબા હોસ્પિટલ હોય કે પછી જનાના હોસ્પિટલ વારંવાર દર્દીઓ પરેશાન થાય છે.