VIDEO : દિલ્હીમાં વીજળી, પાણી અને ગટરની ભયાવહ સમસ્યા, એલજીએ વીડિયો શેર કરી AAP સરકાર પર કર્યા પ્રહાર

દિલ્હીના લેફ્ટનન્ટ ગવર્નર વીકે સક્સેનાએ રાષ્ટ્રીય રાજધાનીમાં ગેરવહીવટનો ઉલ્લેખ કરીને ફરી એકવાર દિલ્હી સરકારને ભીંસમાં લીધી છે. લેફ્ટનન્ટ ગવર્નરે ટ્વિટર પર એક વીડિયો પોસ્ટ કર્યો છે અને મુખ્યમંત્રી આતિશીને સમસ્યાઓના નિરાકરણ માટે જરૂરી પગલાં લેવા જણાવ્યું છે. તેમની પોસ્ટમાં, એલજીએ દક્ષિણ દિલ્હીની રંગપુરી હિલ્સ અને દક્ષિણ-પશ્ચિમ દિલ્હીના કાપશેરાની તેમની મુલાકાતનો એક વીડિયો શેર કરીને કહ્યું કે લોકો વારંવાર પાવર કટ અને રસ્તાઓ પર દુર્ગંધયુક્ત પાણી વહેતા હોવાની ફરિયાદ કરી રહ્યા છે.

એલજીએ વીડિયો પોસ્ટ કરીને લખ્યું - રસ્તાઓ પર એકઠું થયેલું આ દુર્ગંધયુક્ત પાણી વરસાદનું નથી, પરંતુ ઓવરફ્લો થતી ગટરોનું છે. પોતાની હ્રદયસ્પર્શી અગ્નિપરીક્ષાઓનું વર્ણન કરતી આ મહિલાઓ અન્ય કોઈ રાજ્ય કે દેશની નથી પરંતુ દિલ્હીની છે. ગઈ કાલે ફરી દિલ્હીનું દયનીય જનજીવન જોઈને ખૂબ જ પરેશાની થઈ. સમાન સ્થિતિ અગાઉ બુરારી, કિરારી, કલંદર કોલોની, સંગમ વિહાર, મુંડકા અને ગોકુલપુરી જેવા વિવિધ વિસ્તારોમાં જોવા મળી હતી.