Video: અમદાવાદ ક્રાઈમ બ્રાન્ચ અને સુરત પોલીસના જોઈન્ટ ઓપરેશનમાં ઝડપાયું 25.5 કરોડનું ડ્રગ્સ

અમદાવાદ ક્રાઇમ બ્રાન્ચ અને સુરત પોલીસે સંયુક્ત તપાસ હાથ ધરીને ૨૫ કરોડથી વધુના ડ્રગ્સ કેસમાં એક મોટા આંતરરાષ્ટ્રીય નેટવર્કનો પર્દાફાશ કર્યો છે. તપાસમાં હેરોઇનનો આ જથ્થો અફઘાનિસ્તાનથી મંગાવાયો હોવાનું અને દિલ્હીથી રાજકોટ પહોંચાડવાનો હોવાનું સામે આવ્યું છે. રાજકોટના કુખ્યાત ડ્રગ્સ માફિયા અસલમ દ્વારા આ જથ્થો મંગાવાયો હતો, જેને ચોકલેટ, ડ્રિંક અને રેડીનેસ પ્રકારના પેકેટમાં છુપાવવામાં આવ્યો હતો. આ કાર્યવાહીમાં ૨.૫ કિલોથી વધુ MD ડ્રગ્સ અને ૪.૫ કિલોથી વધુ હેરોઇન જપ્ત કરવામાં આવ્યું છે. આરોપીઓ ક્રિપ્ટોકરન્સી દ્વારા નાણાકીય વ્યવહારો કરતા અને એન્ક્રિપ્ટેડ મેસેજિંગ એપ્સનો ઉપયોગ કરતા હતા. આ નેટવર્ક ગુજરાતના રાજકોટ, જૂનાગઢ સહિત ૭ સ્થળોએ ફેલાયેલું હતું અને સપ્લાય માટે મહિલાઓ તથા પરિવારોનો ઉપયોગ કરાતો હોવાની પણ આશંકા છે