ધાંગધ્રાની સરકારી હોસ્પિટલ ફરી વિવાદમાં, સર્જન હાજર નથી કહીને દર્દીને સારવાર ન આપી

સુરેન્દ્રનગરના ધાંગધ્રાની સરકારી હોસ્પિટલ ફરી એક વખત વિવાદમાં આવી છે. જેમાં દર્દથી પીડાતા સારવાર અર્થે આવેલા દર્દીને સર્જન હાજર નથી તેવું કહીં સારવાર ન કરી હોવાનો વિડીયો વાયરલ થયો છે. તેમજ નર્સિંગ સ્ટાફ દ્વારા સફાઈ કર્મચારી પાસે ડ્રેસિંગ કરાવાતું હોવાનો વિડીયો વાયરલ થયો છે. આ અગાઉ પણ ધાંગધ્રા સરકારી હોસ્પિટલમાં પ્રસુતિ માટે આવેલ મહિલાના પરિવાર દ્વારા સાફ-સફાઈ કરતા હોય તેવો વિડીયો વાયરલ થયો હતો.