VIDEO: બનાસ ડેરીએ દૂધના ખરીદ ભાવ કર્યો વધારો, પશુપાલકોના હિતમાં લેવાયો નિર્ણય

બનાસકાંઠાના લાખો પશુપાલકો માટે બનાસ ડેરી દ્વારા દૂધના ખરીદ ભાવમાં પ્રતિ કિલો ફેટે ૧૫ રૂપિયાનો ઐતિહાસિક વધારો જાહેર કરાતા મોટી રાહત મળી છે. આ નિર્ણય સાથે જ હવે દૂધનો ખરીદ ભાવ વધીને પ્રતિ કિલો ફેટે ૮૬૦ રૂપિયા થઈ ગયો છે.

તાજેતરમાં પશુઆહાર, ઘાસચારો અને પશુઓની જાળવણીના ખર્ચમાં થયેલા અસહ્ય વધારાને કારણે પશુપાલકો આર્થિક સંકટનો સામનો કરી રહ્યા હતા. તેવામાં ડેરી પ્રશાસને ગ્રામીણ અર્થતંત્રને મજબૂતી આપવા અને પશુપાલકોના હિતમાં આ કલ્યાણકારી જાહેરાત કરી છે, જેના પગલે બનાસકાંઠા સહિત સમગ્ર ઉત્તર ગુજરાતના દૂધ ઉત્પાદક સભ્યો અને ગ્રામીણ પરિવારોમાં ભારે ખુશીની લાગણી વ્યાપી ગઈ છે.