VIDEO: શ્રાવંતી ચેટર્જીના પીએની ધરપકડ

બંગાળી અભિનેત્રી શ્રાવંતી ચેટર્જીના પર્સનલ આસિસ્ટન્ટ અર્ઘ્ય મુખર્જીની હાવડાના ચેટર્જીહાટ પોલીસ સ્ટેશન દ્વારા ધરપકડ કરવામાં આવી છે. અર્ઘ્ય પર એક મહિલા સહકર્મચારીએ કથિત રીતે છેડતી, હુમલો અને બળાત્કારના પ્રયાસનો ગંભીર આરોપ લગાવ્યો છે. પીડિત મહિલાના જણાવ્યા અનુસાર, એપ્રિલ મહિનામાં શિબપુર સ્થિત નિવાસસ્થાને એક બિઝનેસ મીટિંગ દરમિયાન દારૂના નશામાં ધૂત અર્ઘ્યએ તેના પર હુમલો કર્યો હતો. અર્ઘ્યએ આ આરોપોને ખોટા ગણાવ્યા છે. બીજી તરફ, અભિનેત્રી શ્રાવંતી ચેટર્જીએ આ વિવાદથી પોતાને સંપૂર્ણપણે અલગ કરી દીધા છે અને તપાસ પૂર્ણ ન થાય ત્યાં સુધી અર્ઘ્ય મુખર્જીને પીએ તરીકેના પદ પરથી હટાવી દીધો છે.