VIDEO: અરવલ્લી / મોડાસા પાસે એસટી બસનો અકસ્માત

અરવલ્લી જિલ્લાના મોડાસા નજીક આવેલા કોલીખડ પાસે આજે એક એસટી બસ અને ડમ્પર વચ્ચે ગંભીર અકસ્માત સર્જાયો હતો. માલપુરના નાનાવાડાથી અમદાવાદ જઈ રહેલી આ એસટી બસના આગળના ભાગને ભારે નુકસાન પહોંચ્યું છે. જોકે, સદનસીબે બસમાં સવાર ૧૯ જેટલા મુસાફરોનો આબાદ બચાવ થયો છે. બસ ચાલકની સમયસૂચકતા અને કોઠાસૂઝને કારણે મોટી જાનહાનિ ટળી હતી. પ્રાથમિક માહિતી મુજબ, આ અકસ્માતમાં કોઈ પણ મુસાફરને ગંભીર ઈજા કે જાનહાનિ પહોંચી નથી. ઘટનાની જાણ થતાં જ આસપાસના લોકો દોડી આવ્યા હતા અને રાહતની લાગણી અનુભવી હતી.