VIDEO: બેકાબૂ ટેમ્પો વીજ ટાવર સાથે અથડાયો

સુરત જિલ્લાના કડોદરા નજીક ચલથાણ વિસ્તારમાં એક બેકાબૂ ટેમ્પો હાઈ-ટેન્શન વીજ ટ્રાન્સમિશન ટાવર સાથે ધડાકાભેર અથડાયો હતો. અકસ્માતમાં ટેમ્પોને ભારે નુકસાન થયું હતું, પરંતુ સદનસીબે કોઈ જાનહાનિ કે ઇજા નોંધાઈ નથી. ઘટનાની જાણ થતાં પોલીસ અને સંબંધિત વિભાગના અધિકારીઓ તાત્કાલિક સ્થળ પર પહોંચ્યા હતા અને પરિસ્થિતિનું નિરીક્ષણ કર્યું હતું. અકસ્માતને પગલે થોડા સમય માટે વિસ્તારમાં અફરાતફરીનો માહોલ સર્જાયો હતો. પ્રાથમિક તપાસ મુજબ વાહન પરનો કાબૂ ગુમાવવાના કારણે અકસ્માત સર્જાયો હોવાનું માનવામાં આવી રહ્યું છે. પોલીસે વધુ તપાસ શરૂ કરી છે.