VIDEO: અમદાવાદ ગ્રામ્ય પોલીસે સ્ટીલ સીટની આડમાં લઈ જવાતો ૭૦૦ કિલો પ્રતિબંધિત પોષડોડાનો જથ્થો ઝડપ્યો, બે ડ્રાઈવરની ધરપકડ

અમદાવાદ ગ્રામ્ય પોલીસ અને નાર્કોટિક્સ વિભાગે પ્રતિબંધિત પોષડોડાની હેરાફેરીનો મોટો પર્દાફાસ કરીને 1 કરોડ 47 લાખ રૂપિયાની કિંમતનો મસમોટો જથ્થો ઝડપી પાડ્યો છે. મહારાષ્ટ્રના નાગપુરથી ટ્રકમાં સ્ટીલ સીટની નીચે છુપાડીને આ જથ્થો લાવવામાં આવી રહ્યો હતો. પોલીસે ૭૦૦ કિલો પોષડોડાના જથ્થા સાથે ભેરારામ તરડ અને જીતારામ કડવાશા નામના બે ટ્રક ડ્રાઈવરની ધરપકડ કરી છે. આ માલ મધ્યપ્રદેશના સંતોષ નામના શખ્સે મોકલ્યો હતો અને સામખીયાળી ખાતે તેની ડિલિવરી આપવાની હતી. રાજસ્થાનના બાડમેરના રહેવાસી આરોપીઓએ આ કૌતુક રચ્યું હતું. પોલીસે સમગ્ર નેટવર્કનો પર્દાફાસ કરવા મુખ્ય આરોપી સંતોષની શોધખોળ હાથ ધરી છે અને ડ્રાઈવરો સામે કાયદેસરની કાર્યવાહી શરૂ કરી છે.