VIDEO: રથયાત્રા માટે ઓડિશા ફાયર સર્વિસની અદ્યતન વ્યવસ્થા

ઓડિશાના પુરીમાં યોજાનારી વિશ્વ પ્રસિદ્ધ જગન્નાથ રથયાત્રા ૨૦૨૬ માટે ઓડિશા ફાયર સર્વિસે શ્રદ્ધાળુઓની સુરક્ષા સુનિશ્ચિત કરવા અદ્યતન વ્યવસ્થા કરી છે. લાખો ભક્તોની ભીડને ધ્યાનમાં રાખીને અગ્નિશમન વિભાગે કટોકટીના સંચાલન માટે ખાસ તૈયારીઓ કરી છે. ચુસ્ત સુરક્ષા માટે ખાસ ઈવેક્યુએશન કોરિડોર અને અત્યાધુનિક સાધનો તૈનાત કરવામાં આવ્યા છે. ગરમી અને લૂથી ભક્તોને રાહત આપવા માટે ફાયર બ્રિગેડ દ્વારા હવામાં પાણીના ફુવારા છાંટવાની પણ વિશેષ વ્યવસ્થા કરવામાં આવી છે. સામે આવેલા દ્રશ્યોમાં ફાયર સર્વિસના જવાનો અને આપત્તિ વ્યવસ્થાપન ટીમો સંયુક્ત રીતે મોક ડ્રિલ કરતી જોવા મળી રહી છે. ભક્તો સુરક્ષિત રીતે દર્શન કરી શકે તે માટે વહીવટીતંત્ર સંપૂર્ણપણે સજ્જ છે.