VIDEO: વરાછામાં બેન્ક લૂંટના આરોપીઓ 4 દિવસ બાદ પણ પોલીસ પકડથી દૂર, 150થી વધુ CCTV ચેક કરાયા

સુરતના વરાછામાં ભર બપોરે પાંચ લૂંટારુઓએ બેંકમાંથી 50 લાખની લૂંટ ચલાવ્યાની ઘટનાના ચાર દિવસ બાદ પણ હજુ પોલીસ આરોપીઓ સુધી પહોંચી શકી નથી. ફિલ્મી સ્ટાઇલમાં આ લૂંટને અંજામ આપવામાં આવ્યો હતો. લૂંટની આ ઘટનામાં 140 પોલીસ કર્મીઓની ફોજ લૂંટારુઓને ઝડપી પાડવા મેદાને છે.

અલગ-અલગ ટીમો બનાવી તપાસનો ધમધમાટ તેજ કરાયો છે. ઘટનાસ્થળથી લઈને સંભવિત ભાગવાના રસ્તાઓ સુધીના 150થી વધુ કેમેરા ચેક કરાયા છે. પોલીસ તપાસમાં એ પણ ખુલાસો થયો છે કે, લૂંટારુઓએ બાઈક પર જે નંબર પ્લેટ લગાવી હતી તે નકલી હતી.