VIDEO: માંગાઓની લાગી લાઇન, અભિજીત દીપકે ટૂંક સમયમાં કરશે લગ્ન? માતાએ જણાવ્યું કેવી વહુ જોઈએ છે

દિલ્હીના જંતર-મંતર પર પેપર લીક મુદ્દે એક મહિનાથી વધુ સમયથી ચાલી રહેલું આંદોલન આખરે સરકાર દ્વારા માંગણીઓ સ્વીકારાતાં સમાપ્ત થયું છે. આ ઐતિહાસિક સફળતાનો મુખ્ય શ્રેય CJP ની સ્થાપના કરનાર અભિજીત દીપકેને આપવામાં આવી રહ્યો છે. આ મોટો વિજય મેળવ્યા બાદ હવે અભિજીત દીપકેના લગ્નની ચર્ચાઓ પણ જોર પકડી રહી છે. તેમની માતાએ ખુલાસો કર્યો છે કે આંદોલનની જીત બાદ અભિજીત માટે લગ્નના અનેક માંગાઓ (Marriage Proposals) આવી રહ્યા છે.

માંગાઓનો વરસાદ અને માતાનો રસપ્રદ જવાબ

એક ન્યૂઝ ચેનલ (News Channel) સાથેની ખાસ વાતચીતમાં અભિજીત દીપકેના માતા-પિતાએ આંદોલનની સફળતા પર ખુશી વ્યક્ત કરી હતી. વાતચીત દરમિયાન જ્યારે લગ્નનો ઉલ્લેખ થયો ત્યારે તેમની માતાએ હસતાં હસતાં જણાવ્યું હતું કે, "તેના લગ્ન માટે સતત ફોન આવી રહ્યા છે. માંગાઓ તો પહેલા પણ આવતા હતા, પરંતુ આંદોલન સફળ થયા બાદ આ સિલસિલો ખૂબ વધી ગયો છે. જોકે, લગ્ન જ્યારે થવાના હશે ત્યારે થશે, પહેલા તેને આ બધી બાબતો અને થાકમાંથી બહાર આવવા દો."

જ્યારે તેમને પૂછવામાં આવ્યું કે ઘરમાં કેવી વહુ જોઈએ છે, ત્યારે તેમણે જણાવ્યું કે, "પહેલા મારી ઈચ્છા એવી હતી કે વહુ એકદમ સીધી-સાદી હોય. પરંતુ હવે અભિજીત જે સ્થાન પર પહોંચી ગયો છે, ત્યારબાદ તેની જીવનસાથી (Life Partner) પસંદ કરવાનો નિર્ણય સંપૂર્ણપણે તેનો પોતાનો રહેશે. અમે તેના નિર્ણયને પૂર્ણ સમર્થન આપીશું."

સીજીપી (CJP) ની સ્થાપના અને આગળનો પ્લાન

અભિજીત દીપકે CJP ના સ્થાપક અને પ્રમુખ (Founder and President) છે. સુપ્રીમ કોર્ટના ચીફ જસ્ટિસ (Chief Justice) સૂર્યકાંતની એક ટિપ્પણી બાદ તેમણે સોશિયલ મીડિયા (Social Media) પર CJP ના નામે પેજ બનાવ્યું હતું, જે બાદમાં દેશવ્યાપી આંદોલનમાં ફેરવાઈ ગયું.

હવે આંદોલનની સફળતા બાદ અટકળો લગાવાઈ રહી છે કે શું CJP ને એક રાજકીય પક્ષ (Political Party) માં બદલવામાં આવશે કે કેમ? આ અંગે તેમની માતાએ ઉમેર્યું હતું કે અભિજીત આગળ શું કરશે તેની તેમને જાણ નથી, પરંતુ તે જે પણ રસ્તો પસંદ કરશે, આખો પરિવાર તેની સાથે મજબૂતીથી ઊભો રહેશે.

‘ઝૂકે છે દુનિયા, ઝુકાવનાર જોઈએ’

કેન્દ્રીય શિક્ષણ મંત્રીના રાજીનામા બાદ અભિજીત દીપકેએ જંતર-મંતર પર વિદ્યાર્થીઓને સંબોધિત કરતા કહ્યું હતું કે, "લોકો કહેતા હતા કે આ સરકારમાં રાજીનામા નથી પડતા, પરંતુ અમે કહીએ છીએ કે ‘ઝૂકે છે દુનિયા, ઝુકાવનાર જોઈએ’. જો ચીફ જસ્ટિસે આપણને ‘કોકરોચ’ ન કહ્યા હોત, તો હું ભારત પાછો ન આવ્યો હોત અને આજે આ પરિણામ ન મળ્યું હોત."