VIDEO: એસજી હાઇવે પર નિર્માણાધીન સ્કીમમાં 32મા માળે યુવકનો મૃતદેહ લટકતો મળ્યો

અમદાવાદના એસજી હાઇવે પર નિરમા યુનિવર્સિટી સામે બની રહેલી નિર્માણાધીન સ્કીમમાં યુવકનો મૃતદેહ ક્રેન સાથે લટકતી હાલતમાં મળી આવતાં ચકચાર મચી છે. 32મા માળે ક્રેન સાથે યુવકનો મૃતદેહ મોડી રાતથી લટકતો હોવાની જાણકારી સામે આવી હતી. સવારે લગભગ 8 વાગ્યા સુધી પણ મૃતદેહ એ જ સ્થિતિમાં જોવા મળ્યો હતો. ઘટનાની જાણ થતાં આસપાસના વિસ્તારમાં લોકોના ટોળા એકઠા થયા હતા. પોલીસ અને સંબંધિત તંત્રની ટીમો તાત્કાલિક ઘટનાસ્થળે પહોંચી હતી. ક્રેન પરથી મૃતદેહને સુરક્ષિત રીતે નીચે ઉતારવા માટે કામગીરી શરૂ કરવામાં આવી છે. હાલ મૃતદેહ નીચે ઉતારવાની પ્રક્રિયા ચાલી રહી છે. પોલીસે ઘટનાને લઈ વધુ તપાસ શરૂ કરી છે અને યુવકની ઓળખ તથા ઘટનાના કારણ અંગે તપાસ હાથ ધરવામાં આવી રહી છે..