VIDEO: છોટાઉદેપુરના નસવાડીમાં લાઈટ-પંખા વગર અધૂરા મકાનમાં ભણવા મજબૂર ૧૨ ભૂલકાં

છોટાઉદેપુર જિલ્લાના નસવાડી તાલુકાના ડબા ગામે પ્રાથમિક શાળાનું મકાન જર્જરિત બનતાં ભૂલકાંઓની માઠું બેસવાનો વારો આવ્યો છે. બાળકોનું ભણતર ન બગડે તે માટે સ્થાનિક ખેડૂતે પોતાનું અધૂરું મકાન આપતાં માનવતા દાખવી છે. ધોરણ ૧ થી ૫ ના ૧૨ બાળકો અને એક શિક્ષક ધરાવતી આ શાળામાં લાઈટ, પંખા કે પાકા ફ્લોરિંગ જેવી પાયાની સુવિધાઓનો ઘોર અભાવ છે. કાળઝાળ ગરમીમાં પંખા વગર બેસીને નાના બાળકો અભ્યાસ કરવા મજબૂર બન્યા છે. સરકારી દાવાઓ વચ્ચે છેવાડાના ગામડામાં શિક્ષણની આ સ્થિતિ જોઈ તંત્રની બેદરકારી સામે ગામલોકોમાં ભારે રોષ જોવા મળી રહ્યો છે.