ચૂંટણીમાં ગરબડ થશે તો ચૂપચાપ નહીં બેસીએ': SIR વિવાદ મુદ્દે સુપ્રીમ કોર્ટની ચૂંટણી પંચને ચેતવણી

આંધ્રપ્રદેશમાં શહેરી સ્થાનિક સ્વરાજ્યની ચૂંટણીઓ દરમિયાન થયેલી હિંસા અને નામાંકનમાં અવરોધો વચ્ચે સુપ્રીમ કોર્ટે રાજ્ય ચૂંટણી પંચને સખત નિર્દેશ આપ્યા છે. જસ્ટિસ જોયમાલ્ય બાગચી અને જસ્ટિસ વી. મોહનાની બેંચે આંધ્રપ્રદેશ ચૂંટણી પંચને નિર્દેશ આપ્યો છે કે, તે વિપક્ષી પાર્ટી 'યુવજન શ્રમિક રાયથુ કોંગ્રેસ પાર્ટી' (YSRCP)ની નામાંકનની સમયસીમા વધારવાની માંગ પર વિચાર કરે અને ઉમેદવારોની અંતિમ યાદીનું પ્રકાશન 23 ઓક્ટોબર સુધી મોકૂફ રાખે.

YSRCPએ ખખડાવ્યા SCના દ્વાર

YSRCP એ આરોપ લગાવ્યો હતો કે, હિંસા અને કાયદો-વ્યવસ્થાની ખરાબ સ્થિતિના કારણે તેના અંદાજે બે-તૃતીયાંશ ઉમેદવારોને ઉમેદવારી પત્ર ભરતા રોકવામાં આવ્યા હતા. હાઈકોર્ટમાંથી રાહત ન મળ્યા બાદ પાર્ટીએ સુપ્રીમ કોર્ટના દરવાજા ખટખટાવ્યા હતા.

સુપ્રીમ કોર્ટની સખત ટિપ્પણીઓ

સુપ્રીમ કોર્ટે સ્પષ્ટ શબ્દોમાં જણાવ્યું કે, મુક્ત અને ન્યાયી ચૂંટણીઓ સંવિધાનનું મૂળ માળખું છે. જોકે બંધારણીય અદાલતો સામાન્ય રીતે ચૂંટણી પ્રક્રિયામાં દખલગીરી કરતી નથી, પરંતુ જ્યારે ચૂંટણી પ્રક્રિયાને ગેરબંધારણીય કે ગેરકાયદેસર રીતે દૂષિત કરવાનો પ્રયાસ થાય, ત્યારે કોર્ટના હાથ બંધાયેલા હોતા નથી. ચૂંટણી પ્રક્રિયામાં જનતાનો વિશ્વાસ જાળવી રાખવો એ લોકશાહીના અસ્તિત્વ માટે અનિવાર્ય છે અને વિપક્ષ દ્વારા રજૂ કરાયેલા વીડિયો પુરાવાઓને આધારે કોર્ટ આંખ આડા કાન કરી શકે નહીં.