VIDEO/ 'No Kings' રૈલીમાં અમેરિકાથી યુરોપ સુધી લાખો લોકો રસ્તા પર, ટ્રમ્પ સરકાર સામે વૈશ્વિક બગાવત

વોશિંગ્ટન/નવી દિલ્હી: અમેરિકા અત્યારે બેવડા મોરચે ઝઝૂમી રહ્યું છે. એક તરફ પશ્ચિમ એશિયામાં ઈરાન સામે ભયાનક યુદ્ધ (Iran War) ચાલુ છે, તો બીજી તરફ દેશની અંદર રાષ્ટ્રપતિ ડોનાલ્ડ ટ્રમ્પની નીતિઓ સામે જનતાનો આક્રોશ ફાટી નીકળ્યો છે. શનિવારે અમેરિકાના તમામ 50 રાજ્યોમાં ‘No Kings’ (કોઈ રાજા નહીં) ના બેનર હેઠળ લાખો લોકોએ વિરોધ પ્રદર્શન (Protest) કર્યું હતું.

આ પણ વાંચો :

વિદેશમાં હાફૂસ કેરીનો ક્રેઝ, યુએસ-ઈરાન તણાવ વચ્ચે નવી મુંબઈથી અમેરિકા માટે પ્રથમ શિપમેન્ટ રવાના

ચીને વધાર્યું ટ્રમ્પનું ટેન્શન!અમેરિકા સુધી પહોંચતી મિસાઈલના એન્જિનનું સફળ પરીક્ષણ

મિનેસોટા બન્યું આંદોલનનું કેન્દ્ર

આ આંદોલનની સૌથી મોટી રેલી મિનેસોટા ની રાજધાની સેન્ટ પોલમાં યોજાઈ હતી. આ કાર્યક્રમમાં પ્રખ્યાત રોક સિંગર બ્રુસ સ્પ્રિંગસ્ટીન (Bruce Springsteen) એ પોતાનું નવું ગીત ‘સ્ટ્રીટ્સ ઓફ મિનિયાપોલિસ’ ગાયું હતું. આ ગીત તેમણે અમેરિકી ઇમિગ્રેશન એજન્ટો (Immigration Agents - ICE) ની ગોળીબારમાં માર્યા ગયેલા લોકોની યાદમાં લખ્યું હતું. રેલીમાં હોલીવુડ અભિનેતા રોબર્ટ ડી નીરો અને સીનેટર બર્ની સેન્ડર્સ જેવી મોટી હસ્તીઓ પણ સામેલ થઈ હતી.

વિરોધના મુખ્ય મુદ્દાઓ

પ્રદર્શનકારીઓ મુખ્યત્વે નીચેના મુદ્દાઓ પર નારાજ છે:

• ઇમિગ્રેશન અભિયાન: ટ્રમ્પ પ્રશાસન દ્વારા ચલાવવામાં આવી રહેલા આક્રમક ઇમિગ્રેશન અભિયાન (Immigration Campaign) સામે લોકોમાં ભારે ડર અને ગુસ્સો છે.

• ઈરાન યુદ્ધ: પશ્ચિમ એશિયામાં ચાલી રહેલા યુદ્ધ અને નિર્દોષોના મોતના વિરોધમાં ‘યુદ્ધમુક્ત દુનિયા’ની માંગ કરવામાં આવી રહી છે.

• અધિકારોમાં કાપ: ટ્રાન્સજેન્ડર અધિકારોમાં ઘટાડો અને અમીરોનો વધતો આર્થિક દબદબો પણ વિરોધનું કારણ છે.

વૈશ્વિક સ્તરે પડઘા

આ વિરોધ પ્રદર્શન માત્ર અમેરિકા પૂરતું મર્યાદિત નથી રહ્યું. લંડન, પેરિસ અને રોમ જેવા યુરોપિયન શહેરોમાં પણ હજારો લોકો રસ્તા પર ઉતર્યા હતા. જ્યાં રાજશાહી છે ત્યાં આ આંદોલનને ‘No Tyrants’ (કોઈ તાનાશાહ નહીં) નામ આપવામાં આવ્યું છે.

વ્હાઇટ હાઉસની પ્રતિક્રિયા

બીજી તરફ, વ્હાઇટ હાઉસે આ પ્રદર્શનોને ફગાવી દીધા છે. વ્હાઇટ હાઉસની પ્રવક્તા અબીગૈલ જેક્સને આ રેલીઓને ‘Left-wing funding game’ (વામપંથી ફંડિંગનો ખેલ) ગણાવ્યું છે અને કહ્યું છે કે આમાં સામાન્ય જનતાનું કોઈ સમર્થન નથી.